الاثنين، 1 ديسمبر 2014

الديناصور اللي عنده مشكلة

هذه هي القصة الأولى التي يؤلفها غسان.. حاولت أن أكتبها كما نطقها هو مساء الأمس.. استمتعوا :


زمان زمان.. كان ياما كان في ديناصور .. هاد الديناصور كانت عنده مشكلة كبيرة: مشكلته إنه بيضلّ ينسى..
لدرجة إنه بشي يوم نسي ينقرض !
وبيوم من الأيام، كان ماشي بالشارع.. شافوه الولاد الرايحين عالمدرسة وخافوا وصاروا يركضوا ويصرّخوا: ديناصور.. ديناصور!
فالديناصور خاف
لأنه كان متأكد إنه هو كمان بيخاف من الديناصورات
وصار يركض معهن وهو يقول: ديناصور.. ديناصور
وبالطريق شاف متحف الديناصورات [متحف العلوم الطبيعية بتعريف غسان هو "متحف الديناصورات"] ، فقرر يدخل هناك عشان بيحب يتعلم عن الديناصورات
شاف هيكل عظمي لديناصورة مخيفة.. وصار يسأل حاله.. وين شايفها هاي.. وين شايفها هاي؟؟ إه !! هاي إمي!